fbyoutube

Գլուխկոտրուկներ

Գլուխկոտրուկներ կամ խոսում են թվերը

Մի երկնժար կշեռք կար,

Կային կատու, շուն ու մուկ,

Երեխաները կանգնել,

Կշռում էին անաղմուկ:

Ու դրեցին 4 կատու

Կշեռքի ձախ նժարին,

Իսկ աջին էլ՝ 2 շուն

Ու 20 մուկ շարեցին:

Եվ նժարները կամաց

Եկան իրար դեմ-դիմաց:

Հետո մի շուն էլ եկավ,

Ձախ նժարին ծանրացավ,

Եվ կատուները այն չորս

Թռան, փախան աջ ու ձախ:

Աջ նժարի շները,

Այդ խուճապից վախեցած,

Հաչոցներով կցկտուր

Իսկույն ելան, թռան ցած:

Իսկ մկները նայեցին

Ու մնացին շվարած.

Նժարներն այս անգամ էլ

Եկան իրար դեմ-դիմաց:

Խնդիրը դեռ չի լուված,

Դեռ չենք հասել մենք հարցին.

Պահանջվում է իմանալ

Զանգվածներն առանձին:

Թե գնորդ ես, բարեկամ,

Վերցրու դու պարկ ու դրամ,

(Մի գաղտնիք էլ ասեմ քեզ,

Որ մի կատուն կծռում է

Ճիշտ մեկուկես կիլոգրամ):

 

Պատ.՝ մուկ՝ հարյուր գր.; կատու՝ մեկ ու կես կգ.;

շուն՝ երկու կգ.

***

Տատը տասնօրյա պլան էր դրել

Հավերի վրա,

Եվ հսկում էր, որ խստիվ կատարեն

Պլանը նրանք:

Առաջին օրը հավերն հուզմունքից

Ածեցին շատ քիչ,

Իսկ Երկրորդ օրը ավելացրին

Թիվը փոքր-ինչ:

Երրորդ օրվանից անցել էր արդեն

Հուզմունքն հավերի,

Ու նրանք, ձեռնոց նետելով արդեն

Բարձր թվերին,

Ճիչով-ճվոցով փակվեցին տանը

Ու կատարեցին իրենց պլանը:

Առաջինը օրը հավերն ածեցին

Իրենց պլանը 8 տոկոսի չափ,

Երկրորդ օրը արդեն մնացած թվի

10 տոկոս չափ,

Որը ստացվեց նախորդ օրվանից 12-ով շատ:

Իսկ թե հետագան ինչպես ընթացավ,

Եվ ինչ պատահեց,

Դա քեզ չեն ասի ոչ տատը մեծ տան,

Ոչ աքլորն անկեղծ:

Ասում են հիմա աքլորն ուզում է

Հավերի հաշվին բյուլետեն բանալ.

Գուցե կարենաս դու առանց նրա՞նց

Բոլոր ձվերի թիվը իմանալ:

 

Պատ.՝ հազար ձու

***

Գյուղի ծայրին կար մի տուն

Ու մի խարխուլ հավաբուն,

Հավեր կային՝ շա՞տ, թե՞ քիչ,

Չհարցնես ինձ ոչինչ:

Պատահաբա՞ր, թե՞ բախտ էր՝

Գյուղում ոչ մի շուն չկար,

Եվ աղվեսը անարգել

Հավաբունը այդ մտավ:

Օրն առաջին նա կերավ

Տասներորդ մասն հավիի,

Երրորդ օրը նա տարավ

Իններորդ մասն հավերի,

Երրորդ օրը նա խեղդեց

Ութերորդ մասն հավերի,

Ինձ թվում է՝ դու գտար

Արդեն կապը թվերի:

Եվ հինգերորդ օրն այսպես

Հավերն արդեն եղան կես:

Վտանգ չկար: Աղվեսի

Գործը հաջող ու լավ էր,

Եվ տասներորդ օրն արդեն

Տարավ վերջին մեկ հավը:

Ուշ է արդեն, բարեկամ,

Պետք չեն փայտն ու դանակը,

Գոնե հաշվիր ու գտիր

Դու կորստի քանակը:

Պատ.՝ տասը հավ

Ընթերցել...